DÍA DAS AVES Estaca de Bares, Domingo 3 de outubro de 2010
Estaca de Bares, Domingo 3 de outubro de 2010 O vindeiro 3 de outubro conmemorando o día das aves a Sociedade Galega de Ornitoloxía coa colaboración do grupo de SEO/Pontevedra organizará en Estaca de Bares (Mañón) unha xornada de observación de aves mariñas, que comenzará ás 9:00 h. da mañá. Estaca de Bares, pola súa posición estratéxica nunha das rutas migratorias máis importantes, configura un dos mellores puntos para a observar o paso de aves mariñas, que nestas datas do outono alcanza un dos seus puntos álxidos. Trátase dunha actividade aberta para todos os públicos e unha oportunidade para iniciarse na observación das aves da man de xente experta. O obxetivo desta xornada é conmemorar o día das aves convidando a todas as persoas a participar e a desfrutar da natureza, no convencemento de que a divulgación do noso patrimonio natural servirá para protexelo. Para máis información ou dúbidas podedes escribir ao seguinte enderezo electrónico sgosgo@sgosgo.org. Se vas asistir agradezeríamos a túa confirmación para poder organizar a xornada o mellor posible.
Agardemos que nos podamos ver por alí, de seguro que paga a pena.
No hay comentarios:
Publicar un comentario